Si po ndryshon trupi im?

Ju duhet ta ndjeni foshnjën tuaj duke lëvizur. Përderisa foshnja po rritet, juve mund t’ju duket sikur ajo është duke u rrotulluar. Tregoni mjekut tuaj nëse keni vërejtur ndonjë ndryshim në lëvizjen e foshnjës suaj.
Këmbët dhe nyjat e këmbëve mund t’ju jenë ënjtur. Mundohuni t’i shtrini këmbët dhe t’i mbani të ngritura lartë. Nëse vëreni ënjtjen e menjëhershme në duar dhe fytyrë, duhet të kontaktoni mjekun tuaj.
Përderisa barku dhe gjoksi juaj po rriten, lëkura në atë pjesë të trupit mund të çahet.
Ju mund të keni shtrëngime të barkut (kontraksione). Kjo është në rregull, mirëpo kontaktoni mjekun tuaj nëse keni më shumë se 5 shtrëngime brenda një ore.
Derisa barku juaj vazhdon e rritet, mbajtja e ekuilibrit mund të bëhet më e vështirë për ju. Ju mund të rrëzoheni lehtë. Kini kujdes!
Ju mund të keni probleme me gjumë. Mundohuni të flini në krah apo me jastëkë shtesë. Ju gjithashtu mund të djersiteni më tepër se zakonisht.

Si po rritet foshnja ime?

Foshnja juaj i hap dhe mbyll sytë dhe thith gishtin e madh.
Foshnja juaj godet dhe ndryshon pozitë.
Foshnja juaj reagon ndaj dritës dhe zërit.
Nga fundi i muajit të shtatë, foshnja është rreth 38-40cm e gjatë dhe peshon rreth 1.1-1.4kg.