Si po ndryshon trupi im?

Lëkura mbi barkun tuaj mund t’ju kruhet dhe të çahet (krijohen vija në lëkurë, sidomos në bark, të shkaktuara nga zgjatja e lëkurës). Përdorni losion (krem, lëng për fërkim) dhe vishni rroba të gjëra.
Mund të keni dhimbje në shpinën tuaj. Mos qëndroni në këmbë për periudha të gjata.
Mos bartni gjëra të rënda.
Ju mund të ndjeni dhimbje në pjesët anësore të barkut përderisa mitra juaj po zgjerohet.
Ju mund të vuani nga kapsllëku. Pini më shumë ujë ose lëng frutash. Hani më shumë ushqime me fibra siç janë frutat dhe perimet.
Ju ende mund të keni marrëdhënie seksuale me partnerin, mirëpo ndaloni nëse keni dhimbje apo ndjeni shtrëngime.

Si po rritet foshnja ime?

Lëkura e foshnjës është e kuqe dhe me rrudha. Lëkura është e mbuluar me qime të imëta dhe të buta.
Foshnja juaj tashmë mund të godasë më fort.
Sytë e foshnjës suaj janë të formuar pothuajse tërësisht. Ato mund të hapen dhe mbyllen.
Nga fundi i muajit të gjashtë, foshnja juaj është rreth 30cm e gjatë dhe peshon rreth 700-900gr.