Kjo varet nga gjendja e vetë gruas shtatzënë: komplikimet/rreziqet e larta të shtatzënisë, lindja e parë, distanca nga spitali, dhe preferencat personale. Të gjitha këto mund të përcaktojnë kohën se kur ju do të duhet të arrini në spital. Ju nuk keni nevojë të shkoni në spital që në shenjat e para të shtrëngimeve të barkut, dhe në fakt është më mirë që të qëndroni në shtëpi gjatë dhimbjeve të hershme pasi që gruaja juaj do të ndihet shumë më rehat.
Ju mund të matni kohëzgjatjen e shtrëngimeve të barkut të gruas suaj dhe të niseni për në spital kur ato të jenë vazhdimisht nga pesë minuta ndërmjet, përveç në rastet kur ju jetoni në një distancë më të largët nga spitali, në të cilin rast do të duhet të niseni më herët. Këshillohuni me mjekun tuaj se kur është koha më e mirë për të shkuar në spital. Arsye tjera (shenja të rrezikshme) për të shkuar menjëherë në spital janë nëse:
Ju mund ta ndihmoni që të dalloni nëse gruaja ka dhimbje të vërteta apo të rrejshme të lindjes. Poashtu të quajtura si kontraksionet Braxton Hicks, këto shtrëngime të barkut paraqesin një ngushtim pa dhimbje në abdomenin e saj të poshtëm. Ka gra që këto shtrëngime nuk i ndjejnë fare, përderisa disa tjera fillojnë t’i ndjejnë ato në tremujorin e dytë apo të tretë të shtatzënisë, por zakonisht ato bëhen më të forta gjatë muajit të fundit të shtatzënisë. Ato nuk nënkuptojnë se gruaja juaj është gati për lindje, kjo është vetëm një mënyrë e trupit për t’u përgatitur për lindje. Këtu i keni disa shenja që e dallojnë procesin e vërtetë të lindjes nga procesi i rrejshëm:
Dhimbjet e vërteta të lindjes |
Dhimbjet e rrejshme të lindjes |
Shtrëngimet e barkut (kontraksionet) janë të rregullta dhe vijnë në intervale gjithmonë e më të shkurtëra dhe bëhen më të gjata dhe më të forta. |
Intervalet e këtyre shtrëngimeve janë të çrregullta dhe nuk bëhen më të shpeshta apo më të forta. |
Shpërthimi i ujërave që rezulton në rrjedhje apo shpërthim të lëngjeve. Shtrëngimet e barkut(kontraksionet) mund të fillojnë para apo pas shpërthimit të ujërave. |
Shtrëngimet e barkut(kontraksionet) ndalen gjatë pushimit, kur nëna ndalon aktivitetet e saja, gjatë ecjes apo ndërrimit të pozitave. |
Depërtimi në shtresën e mukozës. Dhimbjet e lindjës mund të mos vijnë edhe disa ditë, por ato janë afër. |
Dhimbja e shtrëngimeve të barkut nuk është e njejtë (në një moment janë më të forta dhe në një moment tjetër zvogëlohen dukshëm) |
Dhimbje e vazhdueshme në pjesën e poshtme të shpinës, veçanërisht nëse janë të përcjella më një ndjenjë të ngërçeve të ngjashme me ato që përjetohen para ciklit menstrual. |
Dhimbja është e përqendruar vetëm në pjesën e përparme. |
Dhimbjet e lindjës nuk janë të njëjta me atë çfarë shihni në televizion. Ato nuk vijnë gjithmonë me dhimbje dhe piskama, nganjëherë ujërat nuk shpërthejnë deri në momentin kur foshnja të lindë dhe pothuajse asnjëherë nuk ndodh që foshnja të lindë vetëm disa momente pasi të kenë filluar dhimbjet e lindjës. Për shumicën e femrave, veçanërisht nënat që lindin për herë të parë, dhimbjet aktive të lindjes fillojnë 6-8 orë para lindjës, por ato mund të fillojnë edhe 18 orë apo më tepër para se foshnja të lindë. Asnjë grua shtatzënë nuk e përjeton njejtë lindjën. Ju ndihmon shumë nëse i kuptoni fazat e ndryshme të lindjës dhe sa zgjat secila prej tyre:
Faza e parë – përbëhet nga tri periudha:
Faza e dytë – përfshin shtyrjen dhe lindjën e foshnjës suaj. Kohëzgjatja mesatare për nënat që lindin për herë të parë është një orë.
Faza e tretë – nxjerrja e placentës, zakonisht brenda 5-30 minuta pasi që foshnja të lindë.
Sa më e relaksuar që gruaja të jetë gjatë dhimbjeve të lindjës, me e lehtë do të jetë për të. Shpërqëndroni duke shikuar një film me të, ndihmoni që të praktikojë teknikat e frymëmarrjës, jepjani një masazhë të lehtë dhe inkurajojeni që të bëjë një dush.
Kur të matni shtrëngimet e barkut, filloni të numëroni nga fillimi i një shtrëngimi deri në fillimin e një shtrëngimi tjetër. Mund përdorni matësin tonë të shtrëngimeve që t’i ruani apo thjeshtë shënoni në një letër. Mos u brengosni që të matni kontraksionet shpesh gjatë Periudhës së Hershme, por vetëm kontrolloni kohë pas kohe nëse ato po bëhen më të shpeshta.
Matja e shtrëngimeve do t’ju tregojë se kur do të duhet të shkoni në spital. Nëse është shumë herët, mbani gruan të shpërqëndruar duke shikuar një film apo dalur për shëtitje, apo nëse dhimbjet fillojnë natën ju mund ta ndihmoni që të fle prapë. Shikoni me kujdes këshillat tona rreth dhimbjeve të vërteta apo të rrejshme të lindjës.
Nëse gruaja juaj ka lindur me prerje cezariane, ajo nuk do të jetë në gjendje të mbajë foshnjën lëkurë-në-lëkurë pas lindjës. Por ju mundeni! Praktikimi i kontaktit lëkurë-në-lëkurë është shumë i rëndësishëm për fëmijën pasi që:
Si të filloni kontaktin lëkurë-në-lëkurë me foshnjën tuaj:
Category: Lindja
Ne ofrojmë ligjërata pa pagesë nëpër Kosovë në qendrat tona Klasat për Nëna (Qendrat Informuese për Shëndetin e Gruas).
Gjeni qendrën ligjëruese tuajën më të afërt këtu.
Ligjërata pa pagesë